達美旅遊 美食之旅 Tammy Travel

會員專區

2014 年 04 月 23 日 chuyan

潮州、汕頭美食之旅純玩3天團

《優惠線》-頂級潮味享受《滷水打邊爐+過橋鵝腸》《楊記金牌火鍋》、五星級汕頭金海灣大酒店純玩三天團

自從睇左‘MAY姐有請’入面介紹潮洲野後,一直都想去下,早幾日終於有時間可以去下呢個地方了,三日前跟完香港達美旅遊美食之旅團,《優惠線》-頂級潮味享受《滷水打邊爐+過橋鵝腸》《楊記金牌火鍋》、五星級汕頭金海灣大酒店純玩三天團,早上羅湖8點半集合,今日全車團友都好準時,個個點好晒名,就跟住導遊一齊起程出發開始我地既潮洲美食之旅LU,第一站先去鮜門食中午飯,由於導遊有講中午飯後就會去掃街,所以午餐好多團友都留定肚等下午去掃街。中午飯過後,導遊帶我地去到潮洲小食一條街度,品嘗潮汕小食:姜薯白果糖水、白菜粿、紅蘿蔔粿、鼠殼粿、金瓜粿,呢次真系食到好飽呀。

 

特別注明:呢個系姜薯白果糖水

夠鐘集合,導遊又帶我地去左當地【龍泉岩風景區】,呢度系一個朝拜祈福既旅遊區

參觀完景點後,導遊帶我地去食晚餐:《正宗澄海獅頭鵝魚露雞宴》,潮州最出名既獅頭鵝,好正宗,味道一流,同我地系香港食到既唔一樣,最有特色既系個鹹蛋吊瓜環,我仲親自問左一下呢個菜點整法添。

鹹蛋吊瓜環

 

晚餐後,番到酒店,第一晚入住四星酒店澄海豪庭大酒店,酒店方面房間幾舒適,酒店各項服務、設施及早餐基本上都達到四星酒店要求。

第二日早餐後,黎到第一個景點,潮州博物館。

參觀完呢個景點後,去食中午飯,中午飯後參觀由美食之旅安排既【重本包乘坐電瓶車環遊潮州古城】(宋代古城牆、古城門、牌坊街、湘子橋、北閣佛燈、西湖魚筏、風味特產美食街等)跟住開始一輪新既掃街——下午茶“老潮州馳名美食”:百年老店“胡榮泉”鴨母撚、春捲、老牌煎蠔烙、韭菜粿,呢次同前一日既完全唔一樣,要比較既話,我覺得呢次既會好味,啱我本人囉,食完一大輪下午茶後,出發去參觀【開元寺】。

晚餐系汕頭楊記牛肉火鍋,享受一人一鍋,打邊爐,俾人感覺衛生,自己鐘意食幾多就放幾多,正。

第二晚我地入住汕頭五星級金海灣大酒店,位於汕頭市中心,行街、宵夜都好方便。食完宵放之後,就好滿足咁返去酒店房間訓覺。

到最後一日,早餐過後,參觀兩個地方:→→【石炮臺公園】同【海濱長廊】,午餐食完打邊爐後,結束左三日潮洲之旅行程,呢三日真系餐餐都系食過不停,好豐富、好開心。

...

 
^

會員登入

會員功能即將啟用
敬請密切留意~!!!