達美旅遊 美食之旅 Tammy Travel

會員專區

2014 年 04 月 25 日 hong

國際5星級-中山喜來登酒店美食純玩2天團

本人四月份參加左達美旅遊-美食之旅既團,將D正野分享出黎俾大家睇下。

早上雖然陰天,但都唔影響心,早上關口一遍藍色旗海飄揚,所有導遊一字排開企曬響度,於是我就埋去導遊個度報個到先,再去歎個靚早餐,夠鐘再去集合出發。集合完後,導遊再系皇崗接埋其他團友之後,開始兩日既旅程了。系車上,導遊介紹兩日嘅行程同埋食D乜同埋住既酒店名,導遊講解風趣幽默,講個不停,時間不知不覺就到左第一個景點,第一站去威遠炮臺,雖然早上落左D雨,但景色唔錯,別有一番詩意。

參觀完威遠炮臺後,準備食晏時間,中午去到中山嘅”松濤居”,門口大大張相掛住以前亞視“麗梅姐”同呢間店鋪老細既合照相出黎,入到去食個度最出名嘅”荔枝柴燒鵝”,味道一流,再加埋個薄荷葉燜鵝,哇!!未食都已經口水流,D鵝肉一D都唔老,可以俾十個LIKE!!

食飽之後,上車直去中山孫文公園,去睇杜鵑花,導遊事前有同團友講因為呢排落雨,所以花比較少,不過無所謂啦,對我黎講,因為我唔系D攝影發燒友,再加上一落車就落起細雨,落車行左一陣都無再欣賞入面D野了,有部分團友提議導遊不如早D番酒店休息下仲好,於是好快就車左我地去到酒店。

到左酒店,個大堂好大好GRAND,全團團友都好興奮,個個都攞住個相機不停影呀!影呀!CHECK IN時間都幾快下,十分鐘內搞掂上房,酒店房間唔錯,望得到出面中山石岐市岐江嘅江景。

休息一個鐘後,到左食自助餐時間,酒店自助餐都幾精緻下,款式唔算十分多,但貴在精,本人最鐘意魚生類,一見到就發曬狂甘,猛甘夾D魚生,都幾大塊同幾厚下,唔錯!我都要俾10個LIKE!!佢。嘻嘻,.PS.因為顧住食,無影到太多相,

 

一覺訓醒後,9點MORNING CALL起身食個西式自助早餐,早餐不錯,基本五星酒店既服務同出品都齊全,早餐過後,再系酒店附近四周圍逛下,呼吸下D清新空氣,好舒服。系酒店逗留到12點,準時CHECK OUT ,導遊系車上介紹中午食乜菜,——《八寶瓜盅霸王鴨宴》,聽個名都流晒口水,一到上菜時間,又系相機先食嘅時候啦,嘻嘻

 

 

 

 

 

 

 

 

...

 
^

會員登入

會員功能即將啟用
敬請密切留意~!!!