達美旅遊 美食之旅 Tammy Travel

會員專區

2014 年 04 月 28 日 perry

全新開業準五星級《曼亨頓花園酒店》重本安排【酒店豪華KTV盡情歡唱3小時】《酒店自助晚餐》純玩二天團

全新開業準五星級《曼亨頓花園酒店》重本安排【酒店豪華KTV盡情歡唱3小時】《酒店自助晚餐》純玩二天團

4月1日跟左達美旅遊既博羅曼亨頓花園酒店自助早晚純玩二天團(團號:ZO2),感覺超抵WOR,團費488一位,出發前一日,我上網查過呢間酒店,網上介紹呢間酒店系當地博羅按五星標準建造既酒店,睇D相覺得酒店唔錯!

早上羅湖集合,當日天氣好好,風和日麗,見到關口好多攞住藍色旗仔嘅導遊企響到同客人打招呼,早晨前,早晨後,幾熱情幾周到下WOR,當日導遊叫:湯家明,經驗豐富,服務態度一流,等到8點半,無人遲到,準時集合上車過皇崗接埋其餘團友,今日我地坐既車系達美旅遊既貴賓車,導遊之後都系車介紹左公司有10台呢種歐洲之星品牌嘅VIP大巴,唔系人人都可以次次跟團有得坐架,甘睇落我果日都算好彩,有機會見識到呢台VIP車,呵呵,當日沿途好順暢,導遊系車上介紹司機姓名,介紹當日用既VIP大巴,以及介紹呢兩日既行程內容,並沿途介紹當地風土人情,講埋第一站“婚禮博物館”嘅由來呀等等,呢個導遊講解方式同其他導遊好唔同,距鐘意到處走黎走去同其它團友搞氣氛,幾識互動下。講下笑下時間好快過,中途好順暢,無塞車,一下就到左東莞婚禮博物館了。

呢個東莞婚禮博物館,集中展示東莞哭嫁、搶婚、水上婚禮等獨特的婚嫁習俗和各種獨特的婚俗用品,系我地呢個年代好多野都系一D回憶,令到我地後生既重新瞭解東莞噶傳統婚嫁習俗。

行完呢個景點,又係食午餐時間,因本人相機突然失靈,無影到甘好味既主打菜,但係有9餸1湯,而且份量十足,豐富美味,大快朵頤。食完中午飯,上車小睡一陣,到左第二個景點:博羅【太平山普濟寺】,一個普通既寺廟,呢個地方應該系新裝修過既,無乜人行,都無乜點寫有歷史嘅野,門口有個好高既觀音像,行左大約一個鐘左右,就上車返酒店入住,呢次入住既酒店系當地博羅唯一一間五星酒店,酒店外面睇唔錯下,有五星標準,我住9樓,入到房間,D房超大,望得到出面D街景,房間面積約四百尺,房間設施基本齊全,房間有WIFI,休息一陣,去西餐廳享用自助餐,自助餐方面都幾豐富,唔錯,魚生方面,熟食方面都應有盡有,岩晒我地。哈哈。

第二日,早餐過後,系酒店HEA到11點CHECK OUT,人齊上車,到達【“羅浮第一村”旭日古村】,據導遊介紹,呢個村系一個集明、清、民國時期建築文化於一村的稀缺古建築群體,至今保存完好。古村具有400多年的歷史,被到此考察的專家學者譽為“嶺南古民居建築之典範”。建築群佈局嚴謹,很有氣勢,是嶺南地區現存規模較大、歷史悠久、文化底蘊深厚、保存較完好的古村落,較全面地反映了明清時期的政治、經濟、文化風貌及地方特色和民俗風情。參觀完後,到達餐廳,去食果個達美旅遊重本 特別安排品嚐《博羅風味土窯雞》,嘩!!原來每圍枱安排3隻土窯雞 ,土窯雞肉質鮮、香、滑、嫩,真係食到過足癮。除左食土窯雞之外,仲有地道河魚仔,同埋原隻鴨腎,通常食開既都唔會原隻鴨腎食晒,但呢次既系一人一隻食曬,味道一流。

中午飯過後,我地又黎到最後一個景點:奧地利風情小鎮,由落車去到大門步行都要十分鐘左右;呢個地方好多結婚情侶系度影婚紗相,變左一個攝影基地。附近仲有好多樓盤開發緊。

好啦,又到最後尾聲,導遊繼續同團友有講有笑,以及收小費前一段唱歌仔時間表演,令到車上團友全場鼓掌做和音;沿途一路好順暢,五點左右就到達關口,結束呢次既行程。

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

...

 
^

會員登入

會員功能即將啟用
敬請密切留意~!!!