達美旅遊 美食之旅 Tammy Travel

會員專區

2014 年 06 月 24 日 ywy0

豪嘆四大自助餐《匯景酒店豐富自助晚餐》《太子酒店環球海鮮自助午餐》《海鮮肥牛自助火鍋》超值純玩二天團

之前成日都有聽到朋友講達美旅遊.美食之旅D團好正,今日終於有機會同朋友參加左個2天團去玩下,團號:QBB2,豪嘆四大自助餐《匯景酒店豐富自助晚餐》《太子酒店環球海鮮自助午餐》《海鮮肥牛自助火鍋》超值純玩二天團,6月7日,早上福田9:00出到黎,適逢系禮拜六,關口都幾多人下,見到美食之旅有幾十個團,整個廣場都係佢地D團。我朋友係佢地忠實FANS,幫襯左佢地好多年。聽朋友講,呢間公司D團多數羅湖集合,羅湖果度基本上全部係佢地D團,逢週六出發,基本上都會有過百團,每次都旗海飄揚。有機會下次要去羅湖見識下先得,呢次個團嘅領隊兼導遊叫做:黃旭鋒,後生仔,性格開朗,服務態度一流,搭正9:15分,福田集合既團友都準時到齊,見到一部藍色旅遊大巴,車身印住:達美旅遊字眼,幾SHARP下WOR,上車後,大家按照報名時既座位NO.坐低,沿途導遊簡短介紹一下姓名,幫下其它團友放置行李,扶手等等。

到左深圳灣,導遊落車再接深圳灣集合噶人,大概差唔多10分鐘左近,其他人都上曬車,開始我地嘅『豪食四大自助餐、東莞五星酒店輕鬆之旅LU』。車上,導遊除左介紹自己外,仲好幽默甘介紹司機,令到全車客人都記住司機姓乜,跟住仲有介紹埋呢次我地坐嘅VIP貴賓旅遊巴,兩日行程啦,沿途仲講解當地東莞風土人情,講得生鬼又動聽,呢個導遊俾人好熱誠嘅感覺。

第一站,我地去到東莞虎門林則徐紀念館,相信好多人都知道林則徐呢個人物,入面主要介紹距嘅生平事蹟等。行完第一個景點後,我地去到食中午飯嘅地方享受自助火鍋。可以任食2個鐘頭,D食物都好新鮮,食物、飲品無限量自助供應,任食任飲,食到我實在太飽啦。最重要系冷氣夠,甘熱噶天氣打邊爐,一定要冷氣夠先得架嘛。

食飽之後,我地來到虎門最出名嘅一個時裝批發城——黃河時裝城,呢度四層樓,咩類型既衫都有得賣。

好多最新嘅韓版靘衫褲,真係抄得好新喎,價錢唔貴,仲有得講價。HEA左一個鐘後,準時上車,直奔目的地:匯景酒店,據導遊車上介紹,呢個酒店位於東莞洪梅鎮,屬於五星級商務型酒店,係今年初美食之旅推出嘅新線路。導遊仲話今年母親節,就係呢間酒店舉辦過慶祝母親節活動添,有成500幾人參加,坐滿個宴會廳。大約差唔多五點,到達酒店,導遊安排左六點鐘系自助晚餐時間,CHECK IN後,團友各自返到自己間房,酒店房間設施應有盡有,仲可以望出外面嘅靚景,唔錯。酒店入面D休閒娛樂都有齊,室外游泳池,健身室、棋牌室、桌球室、乒乓球室、沙灘排球場、網球場等等。

搭正六點,落到一樓西餐廳,享受酒店自助餐,通常我會行一圈,睇下有乜野食物,然後先開始揀自己鐘意既野黎食。呢度品種好多都齊,都達到國內五星酒店噶自助餐標準,冰鎮海鮮、刺身之類當然一定有啦!

 

第二日自助中西式早餐,早餐當然要有港人最喜愛嘅煎雙蛋,仲有幾十款中、西美食,奶茶,咖啡樣樣都齊曬。但因為中午會試另一個五星酒店自助餐,所以早餐唔食甘多住,留肚再食下一餐。

11點左右CHECK OUT,我地直接去到導遊講既第二個賣點:東莞太子酒店自助午餐,呢個酒店位於東莞黃江鎮,前排報紙都有報導過間酒店既新聞,導遊都有係車上介紹左自助午餐主打有D咩食,同埋介紹左當地嘅風土人情,話甘快,就到左食午餐間酒店,導遊話可以比兩個鐘頭我地盡情食野,酒店食物款式繁多,海鮮、刺身、熱盤、冷盤、燒烤、鐵板燒、甜品一應俱全,食物好精緻,有過百款而且補充及時,真係一流享受。

食足兩個鐘後,離開太子酒店,繼續最後一站,深圳文博宮,系回深圳途中,導遊另外仲有介紹達美旅遊最新嘅宣傳單張,介紹D荀團比我地之外,仲有推介佢地嘅查詢報名方式,例如:要查詢報名噶就可以通過:WHATSAPP啦,同埋叫我地關注距地噶WECHAT(微信)啦。導遊仲攞左個QR code出黎比我地scan,叫D團友可以即場用導遊開噶WIFI黎關注達美旅遊,深圳文博宮位於深圳布吉鎮,外觀裝修得古色古香,入面有好多個館,其中1-5,7-9號館系免費開放既,其它館就要自己比錢入,所以我地只參觀左免費嘅館。係文博宮參觀左一個鐘頭後,就上車準備回程。回程時,導遊同大家唱左首好特別既串燒歌,令到大家拍曬手掌。

五點半到達福田口岸,結束兩天東莞行程。

德國進口-歐洲之星豪華大巴

 

肥牛海鮮自助火鍋

滙景酒店大堂

酒店自助晚餐

冰鎮海鮮

甜品

東莞太子酒店-酒店大堂

太子酒店自助午餐-燒羊腿

生蠔

刺身

燒牛肋骨

翡翠螺、凍虾

黃花魚、腊鴨、三文魚骨、白切雞、蒜蓉粉蒸扇貝

酒店泳池

水果啫喱

文博宮

祥山藝術館


 

 

 

...

 
^

會員登入

會員功能即將啟用
敬請密切留意~!!!