達美旅遊 美食之旅 Tammy Travel

會員專區

2014 年 06 月 25 日 shidao

全新開業 世界矚目《珠海長隆橫琴灣酒店》、重本包全球最大海洋主題公園珠海【長隆海洋王國】、珠海長隆大馬戲 純玩二天團

2014年6月16日,啱啱有好有幾日假期,正好一家大細去下旅遊,近排到處都見到珠海長隆廣告,TVB長隆特輯睇左之後,都好想去玩下呢個新地方,啱啱好達美旅遊美食之旅有團,於是就急不及待報左名。好開心即報即成團,6月14日收到呢間公司電話打黎,通知導遊資料。6月16日當日早上,一家三口一齊開始我地嘅珠海長隆兩日開心之旅,團號:KW2, 全新開業 世界矚目《珠海長隆橫琴灣酒店》、重本包全球最大海洋主題公園珠海【長隆海洋王國】、珠海長隆大馬戲 純玩二天團,導遊:杜慶文(英文名:DODO)。

呢個團系早上9點皇崗集合,諗唔到星期一美食之旅都有成30幾團出發WOR,睇黎好多人都選擇閒日出黎玩下啦,一來唔洗同人迫,二來好多方面品質都有番個保證。

9點導遊準時接到團友後出發啦!全車41人,我地用49座大巴,好舒服,導遊自我介紹一輪後,就輪到介紹靚仔司機,並且講解巴士上有WIFI添,睇黎達美都幾與時並進WOR,好體貼客人嘅需求,我可以係車上即時WHATSAPP靚相比班朋友睇。之後導遊仲有介紹呢兩日噶行程,我地第一站係去中山食中午飯,餐廳好大間、裝飾靚、冷氣好充足,餐廳主打菜有:滋補田螺雞煲+瓦窖焗雞,除左有呢樣主打菜之外,仲有無骨大頭魚、煎焗魚腩肉、沖菜蒸魚頭,田螺雞項煲/只、鱈幹燜瓜、腩肉眉豆煲、咖喱薯仔鴨、特色齋菜、炒蔬菜等等,幾豐富同埋好好味下,我地呢圍台坐10個人,份量足,好夠食。

   中午飯後,導遊系途中講解完珠海當地風土人情之外,仲有講埋入珠海海洋王國噶注意事項,因為我地用嗁係套票,用手指模素描入場,就可以無限次入園,另外三點左右會有花車巡遊,珠海長隆海洋王國總共有8大主題區:洋大街、繽紛世界、極地探險、雨林飛翔、海象山、海豚灣、海洋奇觀、橫琴海,又有號稱:世界上最大的鯨鯊館,真系好過癮;到晚上7點左右,仲有煙花睇添,勁多人圍觀。

  因為我地要睇埋夜晚嘅馬戲SHOW,我地去到長隆嘅時候已經先將行李放係酒店LOBBY,然後再坐接駁車到海洋王國,8點鐘前我地入去睇馬戲,之前去過番禺長隆睇過馬戲SHOW,呢次同番禺噶馬戲SHOW比較,覺得一樣咁精彩,真係好好睇,值得一讚。呢個SHOW表演時間大概80分鐘左右,睇完表演後,我地按照導遊講嘅地點集合返酒店,夜晚酒店燈飾份外閃爍,好靚。

玩左一日真係好疲累,要快D返房沖個靚涼,酒店裡面設施唔錯,大堂好靚,好似水晶宮一樣,好有氣派。房間同大堂都有WIFI,雖然開業唔耐,但都符合五星標準,設備應有盡有。

  

第二日早上8點起身,到西餐廳食早餐,早餐方面都有番甘上下水準,同其他國際五星酒店早餐質素差唔多,款式超多,中西合壁,好正。食完早餐後,順便周圍行下,發現有個好正,好大嘅泳池,好彩導遊有提醒我地帶泳衣,一於落水玩下。泳池係海邊,與海岸線成一水平,係泳池游水時,望住過海,好似係海裡面泳水一樣,真係好正。

  11點鐘執齊所有行李落大堂CHECK OUT,我地展開第二日行程,首先去中山品嚐下:大盤吹漲魚蝦蟹宴,相信好多人都唔知咩叫吹漲,據導遊介紹,“吹漲”系呢間餐廳鮮珍閣一種特有的烹調方式,用D錫紙包住盤碟,通常錫紙能令食物快速焗熟,有效鎖住肉汁。

  午餐後,我地黎到中山噶紫馬嶺玫瑰園,觀賞入面D花,因為天氣炎熱,行左一陣,好多團友都提早返上車了。

  回程途中,導遊每人派一張佢地公司嘅宣傳單張,推介近期D 熱門線路,仲推薦我地關注美食之旅全新推出嘅微信(WECHAT)手機宣傳平臺,佢話佢地公司以後會透過WECHAT介紹好多抵玩團比大家,叫我地以後記得經常打開WECHAT留意下。導遊服務態度真係好熱情。最後,佢緊係要一展歌喉啦!於是我地一家人就好開心咁結束兩日行程。

珠海長隆海洋王國(海洋大街天幕)

珠海長隆海洋王國(海洋劇場)

企鵝館

北極熊館

大巡遊

水上電單車特技表演

海象山超級激流

鸚鵡過山車

全球最大鯨鯊館

長隆橫琴灣酒店大堂

酒店泳池

晚上煙花及激光音樂噴泉表演

長隆大馬戲

 

 

...

 
^

會員登入

會員功能即將啟用
敬請密切留意~!!!