達美旅遊 美食之旅 Tammy Travel

會員專區

2015 年 06 月 19 日 CKLEUNG5151

東莞之門--全新白金五星『東莞康帝國際酒店』、豪嘆“可能係全東莞最好最豪”--阿拉斯加超粗長腳蟹、即開外國進口生蠔、豐盛海鮮自助晚餐 超豪2天團

    早排我朋友跟左達美旅遊美食之旅既團,去左東莞玩2日,聽我朋友講佢地住果間酒店叫做“東莞康帝國際酒店”,佢地話呢間酒店個自助晚餐係全廣東最天下無敵,而且酒店新開左冇幾耐,好新、好豪華、好有氣派。另外佢仲話第一日同第二日中午個風味餐,菜式幾有特色幾好味。而且導遊、司機服務都好週到,司機好nice好有笑容,仲會幫客人攞行李放上車(近幾年跟其他公司嘅團都未見過),於是我都決定選擇跟達美旅遊.美食之旅去呢個--可能係“全東莞最好、最豪嘅自助餐旅行團”,團號:LOB2,團費:$758(平日出發$728),報名時都覺得團費有D貴,但玩完返黎之後,就覺得非常抵玩超值。

     我地係星期六早上9:00到達羅湖集合,當我地去到集合處,就見到一片旗海飄揚,全部清一色都係達美旅遊.美食之旅嘅藍色旗仔,估計都超過一百五十團以上,而其餘果幾間所謂香港大型旅行社,就只有8-10支旗仔左右,連人地10份之1嘅團量都冇,所以我幫襯達美旅遊.美食之旅,一定唔會錯得去邊到。我好快就搵到我果團個導遊,佢個名叫做阿丹,有熱誠又有禮貌,招呼非常週到。等齊人之後,我地就去停車場上車,去到停車場,令我眼前一亮,我見到一部藍色車身,很高大很GRAND嘅旅遊巴停泊左係我面前。(我以前係福田見到有一間旅行社嘅旅遊巴,車身顏色又黃又青,真係好難睇,見到都反胃)。我地呢架旅遊巴就靚好多啦!車身上仲寫住『達美旅遊』四個大字,仲有個笑容非常親切嘅司機走過黎迎接我地,幫我地將D大件行李放入行李箱,突然間,我覺得自己身份好尊貴,好似VIP一樣。我地急不及待立即上車搵番自己個位坐,旅遊巴內籠好新、好舒適,全部用真皮坐椅,而且坐位同坐位之間嘅空間非常寬闊,就算再高大嘅人坐上去,都唔會頂腳,而最令我驚喜嘅係--車箱裡面竟然有提供WIFI上網,OH MY GOD!真係太好啦!我可以用手機上WhatsApp啦!我可以好肯定咁講一句:香港由外國進口嘅所謂歐州旅遊巴士,都一定唔及呢架巴士咁好。雖然全團有成51人,但係車箱裡面一D都唔覺得焗熱,內籠空間寬敞,冷氣又夠充足。導遊阿丹點齊人數之後,就叫司機開車,正式開始我地兩日嘅開心旅程啦。

     阿丹講解生動風趣,令到全車人都好開心,好識攪氣氛,一D悶場都冇。雖然我今朝好早起身,但聽住阿丹介紹,我一D都唔想瞓覺,好精神,阿丹真係好專業。開左一個鐘頭車左右,話咁快就到左我地首個目的地--『東莞名家居世博園』。世博園地方非常之大,而且裝修仲好豪華、好有氣派,裡面主要係展銷“豪華傢俬”同“家居裝飾”嘅地方,擺放左好多極盡奢華嘅傢俬,真係要幾豪有幾豪。有部份傢俬設計仲好時尚,一d都唔覺得老土,亦有部份傢俬設計得非常奢華,感覺自己好似走左入去歐式古堡一樣,展出傢俬非常之有品味同有貴族味道,好有歐洲皇宮feel,真係令我大開眼界。直情好似參觀緊一個傢俬博物館,如果要慢慢欣賞,真係睇足一日一夜都睇唔完。今次由於只有一個鐘時間,所以只能走馬看花咁睇睇就算。

    參觀完之後,我地出發去食飯嘅餐廳,車程大約15分鐘左右,間餐廳叫做“萬綠湖酒家”,主要以食客家菜為主,全枱總共9餸1湯,仲有生果併盤同兩支大汽水。我自己就覺得“客家水晶雞”好好味,肉質鮮嫩又有雞味,“蛋角煲”、“家客釀豆腐”都好有特色,“臘味併盤”同“欖角蒸鯰魚”做得出色。雖然每一碟餸菜都好大碟,但係實在太好味啦!最後全枱團友都食到清晒碟,隻隻碟都美人照鏡,個個團友都食到非常滿足,一頓非常好味、又有特色嘅客家風味餐。食飽之後,我地開車去星河城廣場SHOPPING,買左好多零食同啤酒,諗住今晚同一大班朋友把酒談歡。大約買左一個鐘頭左右,我地就懷住既興奮又期待嘅心情出發返酒店。導遊阿丹係車上好詳細咁介紹左酒店嘅各種設施同埋注意嘅事項,仲特別提醒我地要準時6:00去到西餐廳食自助晚餐,叫我地千祁唔好執輸,因為真係好多野食,而且早D食,早D消化完,又可以再食第二轉,哈哈哈,,,,想唔回本都幾難啦!

    終於返到酒店,酒店真係好靚好豪華,非常有氣派,所有團友一落車都爭住影相,你又影我又影,講真又真係幾靚嘅,大家忍唔住不停影都好正常。我地全部人入到大堂集中,好快阿丹就幫我地安排好房間鎖匙,我攞到鎖匙後就急不及待立即上房睇睇。一開房門,真係令我眼前一亮,房間裝修好有格調,面積應該超過400呎,每一件用品都好精緻,洗手間都好靚,牆身用左大量雲石砌成,仲有個大浴缸,空間好大又有WIFI提供,而且景觀好開揚,從落地大玻璃望出去,感覺居高臨下、一望無際,所有景物都盡收眼底。我仲發現原來床上面放左兩隻好得意嘅毛公仔,而且仲有一張心意咭,心意咭話好歡迎我地光臨,仲話兩隻毛公仔係送比我地嘅,酒店真係好細心,我真係非常滿意酒店安排。

    到左下午6:00,我地準時到西餐廳享用自助晚餐,自助餐廳真係好大好靚,廚房全開放式設計,可以睇到廚師做野,阿丹安排好我地嘅坐位之後,我地就立即出去攞野食,第一時間當然係去海鮮吧攞海鮮啦!海鮮種類非常多,簡直係眼前一亮,有我最鍾意嘅澳洲進口即開生蠔,仲有好粗嘅開邊龍蝦、阿拉斯加長腳蟹,其他海鮮仲有冰鎮海蝦、花蟹、青口、翡翠螺、花螺、琵琶虾等等,仲有7款刺身類,包括:三文魚、油甘魚、鮑魚片、白肉豚、醋青魚、八爪魚、吞拿魚等等,肉質鮮嫩幼滑,比香港尖沙咀好多酒店自助餐嘅魚生仲要好,海鮮就一定比香港好多大酒店更加好,我從來未試過係大陸食過咁好嘅自助餐,除左海鮮之外,自助餐熟食種類都非常多,其中部份包括有:炸海蝦、炒蟹、蒸海斑、燒蠔、煎牛扒、豬扒、羊架、各式燒味、即灼蔬菜及湯粉類、炖湯、各款壽司、沙律、數十款甜品、水果、各款支裝汽水、仲有我最鍾意嘅6款Haagen-Dazs雪糕等等,品種實在太多未能盡錄。我可以大膽講一句:『依間酒店嘅自助餐,可能係全廣東省最好嘅酒店自助餐』。食飽之後,我地仲過左隔離大堂吧飲左杯汽水,同聽菲律賓樂隊演奏同唱歌,聽左幾首我好鍾意嘅經典英文歌,真係好寫意。由於美食之旅客人可以包每人一杯大堂吧飲品,所以我地唔洗比錢就可以走人,跟美食之旅真係冇揀錯。之後我地仲出左去行左一陣夜街,因為食得太飽,出去行一陣可以幫助消化。跟住就返左上房沖涼同休息。

    第二天早上,我地一早起身歎個自助靚早餐,食物品種真係好多,中西合璧非常豐富,包括有:即磨咖啡、豆槳、果汁、即煎蛋、即渌粉/麵/魚蛋/牛丸/肉丸/大白菜/椰菜/小棠菜、皮蛋瘦肉粥、茄子、脆肉瓜、炸雞塊、煙肉、腸仔、粟米、炒米粉、炒麵、腸粉、番茄炒蛋、豆腐可加餸料:番茄炒蛋/涼瓜排骨、西蘭花、椰菜花、薯仔、蜜豆,即炸油條/春卷、焗番茄/南瓜、沙律菜,牛角包 (我的至愛,服務員更捧著一盆新鮮出爐牛角包到餐枱分給客人) 、水果等,十分豐富,美味。當天雖然有四團美食之旅嘅團同時在餐廳用餐,但面積廣闊,攞放食物吧枱多,不用排隊,可舒適地享用。我依家終於明白到,咩叫做白金五星酒店級數,真係大開眼界。早餐食得太飽,要想辦法消化一下,我選擇去泳池游水,其他朋友選擇去健身,泳池面積適中,水乾淨、清涼,祇有兩位泳客,可以暢泳一番。做完運動再沖個靚涼,真係好舒服!沖完涼之後就立即執齊行李落大堂集合,等齊人就開車去食飯。今日午餐主打菜係片皮鴨同冬瓜盅,仲有白切雞同多寶魚,10餸1湯仲有生果盤,非常豐富美味,果然係美食之旅。食飽之後,我地開車去深圳歡樂海岸優閑區自由活動,呢到環境非常優美,好有異國風情feel,好似去左歐洲一樣,仲有個好大嘅人工湖,可以自費坐觀光船遊湖。人工湖旁邊有個好大型嘅shopping mall,好多國際品牌進駐,仲有好多好有特色嘅餐廳添。暢遊一番之後,然後開車去羅湖散團,結束這次開心美食兩天之旅。

每人放兩隻得意熊公仔

酒店海鮮自助晚餐

開邊龍蝦

阿拉斯加超粗頂級長腳蟹

即開澳州生蠔

即燒燒蠔

燒羊架、龍蝦沙律

6款Haagen-Dazs雪糕任食

酒店中西式自助早餐

牛角包

即炸油條/春卷

即磨咖啡機

麵包是麥包 (不是烘燶)

開車離開酒店去食午餐

消暑冬瓜盅片皮鴨餐

深圳歡樂海岸優閑區

...

 
^

會員登入

會員功能即將啟用
敬請密切留意~!!!